“Arrest me burg” vendosi gjykata e Tiranës për dy prej të arrestuarve për dhunën e ushtruar ndaj avokatit Sokol Mëngjesi. Dritan Nano, I cili sipas policisë, mendohet se është dhe organizatori I sulmit së bashku me Dorian Alian dolën para trupit gjykues këtë të shtunë. Organi I akuzës zbuti akuzën ndaj tyre duke e rikualifikuar veprën penale nga vrasje të funksionarëve publik e mbetur në tentativë në ‘plagosje e rëndë me dashje kryer në bashkëpunim. Prokuroia kërkoi që dy të akuzuarit të qëndrojnë në qeli. Kërkese që u pranua nga trupi gjykues që vendosi të njëjtën masë sigurie dhe për 3 agresorët e tjerët që janë në kërkim nga policia, Drivaldo Alian, Elton Kasajn dhe Romario Tabakun. Gjendja shëndetësore e avokatit Sokol Mëngjesi, I cili u dhunua në zonën e ish-bllokut nga tre prej pesë autorëve, vijon të jetë e rëndë. Ish dekani I fakultetit Juridik vijon të jetë në intubim dhe po mbahet në monitorim nga bluzat e bardha. Shkak për sulmin ndaj tij u bë një padi që avokati kishte bërë kundër Nanos, I cili nuk e kishte paguar për gjyqin e fituar siç kishin rënë dakord.