Shtetet anëtare të BE-së kanë vendosur të eleminojnë kontrollet e personave në kufijtë tokësorë të brendshëm me bullgarinë dhe rumaninë duke nisur nga 1 janari 2025. Lajmi është konfirmuar nga këhsilli i BE-së. Të dy vendet do të bëhen kështu pjesë e zonës schengen me të drejta të plota. “Është një moment historik ai i pritjes së Bullgarisë dhe Rumanisë si anëtarë me të drejta të plota të zonës Schengen. Ky hap do të jetë në të mirë të qytetarëve bullgarë dhe rumunë por edhe në të mirë të BE-së në tërësi”, tha hungarezi Sandor Pinter nga presidenca e radhës e bllokut. Që nga anëtarësimi i tyre në BE, Bullgaria dhe Rumania kanë aplikuar pjesë të kuadrit juridik të schengenit, përfshirë ato të lidhura me kontrollet në kufijtë e jashtëm, bashkëpunimin e policive dhe përdorimin e sistemit informativ Schengen. Më 30 dhjetor 2023, këshilli vendosi tu akordojë atyre lëvizjen pa pengesa e pa kontrolle në kufijtë e brendshëm ajror dhe detar. Schengeni është zona më e madhe e lëvizjes së lirë në botë. Kontrollet në kufijtë mes Francës, gjermanisë, belgjikës, vendeve të ulëta dhe luksemburgut, janë abroduar për të parën herë në 1985. Schengeni tani mbulon 29 shtete prej të cilëve 25 vende anëtare të bllokut, por edhe islandën, Lihtenshtejnin, Norvegjinë dhe Zvicrën që nuk janë anëtare. Në total, zona mbulon 420 milionë njerëz. Kontrollet në kufijtë e brendshëm me qipron nuk janë hequr ende ndërsa irlanda nuk është pjesë e zonës schengen.