Brukseli po përgatitet ti kërkojë vendeve anëtare të BE të reduktojnë menjëherë konsumin e gazit duke paralajmëruar se pa kursime, kontinenti rrezikon të mbetet pa gaz këtë dimër ndërsa rusia kufizon furnizimet. Financial Times, ka parë një dokument të redaktuar të komisionit evropian në të cilin thuhet: Një aksion i përbashkët tani do të jetë më pak i kushtueshëm dhe do të zbusë situatën duke mundësuar edhe solidaritetin dhe duke evituar nevojën e veprimeve të paplanifikuara”. Evropa në fakt po përgatitet për një racionalizim energjitik që tani. Duhet të kursehen 12 miliardë metra kub gaz në tre muajt e ardhshëm për të evituar mbetjen pa të në dimër – ka paralajmëreuar edhe agjencia ndërkombëtare e energjisë sipas të cilës, pa ndërhyrje të menjëhershme, evropa mund të përballet me reduktime dhe rezerva gjithnjë e më dramatike në vijim.