Makinat e reja me benzinë dhe naftë, do të mund të regjistrohen edhe pas vitit 2035, kjo pasi komisioni evropian, ka hequr dorë së fundmi nga ndalimi i motorëve me djegie të brendshme. Në fund të javës së kaluar, u zbulua se institucioni i kryesuar nga Ursula von der Leyen planifikon të propozojë përjashtime nga ndalimi i motorëve me djegie të brendshme në raste të caktuara. Kjo do t'i hapte rrugën administratës së Brukselit që të lejojë regjistrimin e automjeteve të reja me këtë teknologji pas vitit 2035. Sipas planeve aktuale, automjetet e reja të regjistruara në BE nuk duhet të çlirojnë dioksid karboni që dëmton klimën, duke filluar nga viti 2035. Kjo u ra dakord nga përfaqësuesit e shteteve anëtare të BE-së dhe Parlamentit Evropian në vitin 2022. Nga ky rregull tani mund të hiqet dorë dhe të bëhen përjashtime. Megjithatë, gazrat serrë shtesë, të emetuara, do të duhet të kompensohen plotësisht. Fillimisht nuk ishte e qartë nëse do të kishte përjashtime edhe për automjetet klasike me benzinë dhe naftë.