Kryeministrja e Serbisë, Ana Brnabiç, i është përgjigjur ashpër deklaratës së Edi Ramës në Këshillin e Sigurimit i cili bëri thirrje për njohjen e Kosovës. Brnabiç ka thënë se deklaratat e tilla prekin sigurinë rajonale. Sipas kryeministres serbe, Sekretari i Përgjithshëm ii OKB-së, Antonio Guterres i ka thënë gjatë takimit të fundit,se Kombet e Bashkuara nuk e njohin Kosovën si shtet. “Përgjigja më e mirë është dhënë nga në fjalinë e parë që ma tha mua se Kosova nuk është shtet për ne. Kjo është përgjigja më e mirë diplomatike.”, ka thënë Brnabiç, shkruan Tanjug. Kryeministri Edi Rama ka kërkuar në Asamblenë e OKB njohjen e Pavarësisë së Kosovës, duke u shprehur se kjo është një çështje që duhet të mbyllet. Sipas kryeministrit shqiptar, Kosova është një realitet që vazhdon prej 13 vitesh dhe që ka sjellë shumë paqe e stabilitet në rajon, si dhe ka kontribuar që të shkëputemi nga e shkuara e hidhur.