Kostoja totale e një shërbimi të plotë funerali në britaninë e madhe, ka arritur një nivel të paprecedent, cka do të thotë se jo vetëm që jetesa po bëhet e kushtueshme në këtë vend, por edhe vdekja po ashtu. Të vdesësh në Britaninë e Madhe është bërë e kushtueshme për shkak të rritjes së kostos së funeralit gjatë dy dekadave të fundit, e rënduar akoma më shumë nga inflacioni i lartë. Një raport i kompanisë së shërbimeve financiare SunLife, tregon se kostoja totale e vdekjes në britani mund të arrijë deri në 9658 paundë ose 11,200 euro, dhe mbulon pagesat për ambjentet e zhvillimit të funeralit, shërbimin bazë funeral, dhe shtesa me zgjedhje si mbajtja e një meshe apo një ceremonie. Shuma përfaqëson një rritje me 5 për qind krahasuar me vitin e kaluar, me vetëm koston funerale që ëhstë rritur me 126 përqind në 20 vitet e fundit sipas raportit Kostoja e Vdekjes, të Syn Life për vitin 2024. Rritja e fundit e inflacionit ka ndikuar në rritjen e kostos së funeralit, pas dy vitesh rënie, ndërkohë që cmimi ndryshon në rajone të ndryshme. Inflacioni në britani u rrit papritur me 4 për qind në dhjetor dhe banka e anglisë do ta shohë këtë shifër të bjerë në 2 për qind. Në kontrast me vitin e mëparshëm, ku vetëm dy fusha pësuan rritje kostoje, pjesa më e madhe e britanisë ka parë shpenzime më të larta mesatare për funeralet në 2023. Vetëm Londra, Anglia veri perëndimore dhe Irlanda veriore kanë parë një rënie. Irlanda e veriut është vendi më i lirë për të vdekur në britani, me një kosto prej 3256 paundësh ose 3797 eurosh për funeralet. Ndërkohë me 5171 paundë apo 6030 euro, londra ruan pozicionin e saj si më e kushtueshmja pavarësisht një rënieje të lehtë në kosto. E ndërkohë, parashikimet tregojnë se deri në 2028-ën, kostoja mesatare e shërbimit funeral do të rritet nga mbi 4 mijë paundë në mbi 5 mijë paundë.