Donald Trump i sugjeroi qeverisë britanike që të mobilizojë ushtrinë për të kontrolluar kufijtë e saj gjatë takimit me kryeministrin Keir Starmer, një ditë më parë. Trump paralajmëroi se migrimi i paligjshëm mund të shkatërrojë Mbretërinë e Bashkuar dhe i tha Starmer se ai duhet të ndjekë shembullin e SHBA-së në ndërmarrjen e veprimeve të ashpra për të ndaluar migrantët që kalojnë në mënyrë të paligjshme kufirin e saj jugor. “Mendoj se situata juaj është shumë e ngjashme. Keni njerëz që vijnë dhe i thashë kryeministrit se duhet ta ndalojë këtë, dhe nuk ka problem nëse thërret ushtrinë, nuk ka problem se çfarë mjetesh përdor”, tha Trump. Sipas tij, emigrantët e paligjshëm shkatërrojnë vendet nga brenda ndaj shba tani po largon shumë nga të ardhurit. Por, anëtarë të kabinetit qeverisës në Britani e kanë hedhur poshtë këtë sugjerim. Sipas tyre, ushtria e mbretërisë së bashkuar ka si mision mbrojtjen e vendit dhe jo ndalimin e azilkërkuesve që kalojnë kanalin anglez. Dëbimi i parë i një emigranti nga Kanali i La Manshit në Francë u zhvillua të enjten sipas marrëveshjes “një hyn, një del” të nënshkruar nga Starmer dhe Emmanuel Macron, me një tjetër kthim të realizuar edhe të premten. Me shqetësimin publik në rritje mbi kufijtë e Mbretërisë së Bashkuar, dhe Reformën e Nigel Farage që shfrytëzon tensionet mbi këtë çështje, Doëning Street beson se duhet të ndalojë kalimet e shtuara. Disa deputetë laburistë kanë sugjeruar tashmë që qeveria duhet të dërgojë Marinën Mbretërore në Kanalin e la manshit për të parandaluar kalimin e barkave të vogla, një qasje e provuar dhe e dështuar nën Boris Johnsonin në vitet 2022 dhe 2023.