Mbretëria e Bashkuar është kthyer në një strehë për të arratisurit e drejtësisë shqiptare. Një lumë vrasësish, përdhunuesish dhe trafikantësh droge të dyshuar në të gjithë Evropën janë shfaqur në gjykatat brtianike pasi u zbuluan se jetonin në këtë territor. Të paktën 34 shqiptarë të kërkuar u përballën me procedurat e ekstradimit në vitin 2023. Ndërsa këtë vit, të paktën 27 kriminelë të dyshuar shqiptarë u paraqitën në Gjykatën e Magjistraturës së Ëestminsterit duke u përballur me ekstradimin për vepra të kryera në vende si Franca, Italia, Gjermania dhe Greqia. Siaps Dauily mail, ata përdorën rrugët ilegale për të shkuar në vendin ishullor Një ish-shef i Agjencisë Kombëtare të Krimit (NCA) tha se Mbretëria e Bashkuar është bërë një strehë për shqiptarët e kërkuar në të njëjtën mënyrë si Costa del Sol për të arratisurit britanikë. Mes të arratisurve që u gjetën në Britani është edhe Denis Havalja, i mbiquajtur “Bisha”, për përdhunimin e një vajze 14-vjeçare në Shqipëri në vitin 2016. Vrasësi i dyshuar i dyfishtë, Ilirian Zeqaj, 51 vjeç, po ashtu përballet me ekstradimin nga Britania për herë të dytë, pasi dy herë hyri fshehurazi në Britaninë e Madhe dhe madje mori nënshtetësinë me një emër të rremë.