Britania të mërkurën hodhi poshtë kritikat se po shpërblente grupin militant Hamas me planet për të njohur një shtet palestinez nëse Izraeli nuk do të ndërmerrte hapa për të përmirësuar situatën në Gaza dhe për të sjellë paqe atje. Pamja e fëmijëve të dobësuar në Gaza ka tronditur botën ditët e fundit dhe të martën, një Organizatë humanitare paralajmëroi se atje po zhvillohej skenari më i keq i imagjinueshëm i urisë dhe nevojiteshin veprime të menjëhershme për të shmangur vdekjet. Ultimatumi i kryeministrit Keir Starmer, i cili vendosi një afat deri në shtator për Izraelin, shkaktoi kritika të menjëhershme nga homologu i tij në Jerusalem, i cili tha se Londra shpërbleu Hamasin dhe ndëshkoi viktimat e sulmit të tyre ndërkufitar të vitit 2023. Presidenti amerikan Donald Trump tha po ashtu se nuk mendonte se Hamasi "duhet të shpërblehej" me njohjen e pavarësisë palestineze.