Liderët evropianë, mes tyre dhe kryeministri Edi Rama do të takohen në Britaninë e Madhe javën e ardhshme. Sipas The Guardian, ata do të bëhen pjesë e konferencës së katër të komunitetit politik evropian në mbështetje të Ukrainës që do të mbahet të enjten. Krahs vendeve të BE pjesë do të jetë dhe Shqipëria, Kosova, Norvegjia, Islanda, Gjeorgjia, Serbia dhe Turqia. Ndërkohë presidenti turk Erdogan ende se ka konfirmuar prezencën. Pjesë e këtij takimi të iniciuar në vitin 2022 nga presidenti francez Emmanuele Macron do të jetë dhe Zelenski që do të vijojë të kërkoj mbështetje në luftën kundër Rusisë. Ndërkohë kryeministri I ri britanik, Keri Starmer ka detyrën e vështirës, sipas The Guardian, pasi veç mikpritjes do të duhet t’I tregojë botës rikthimin në skenën ndërkombëtarë të Mbretërisë së Bashkuar, pas dëmtimit të reputacionit të shkaktuar nga Brexit. Si mikpritës, Starmer do të flasë në seancën plenare hapëse, e cila do të mbahet në një nga sallat në Pallatin Blenheim, vendlindja e Ëinston Churchill. Ai pritet të nënvizojë angazhimin e Mbretërisë së Bashkuar ndaj Ukrainës dhe Zelenskyt, dhe për rivendosjen e marrëdhënieve të vendit pas Brexit me BE-në.