Autoritetet shqiptare kanë konfirmuar që pjesa më e madhe e qytetarëve të kthyer me forcë në shtëpi nga britania e madhe, ishin të dënuar për krime atje. BBC ka folur me të kthyerit dhe ka mësuar se disa të burgosurve u ishin ofruar 1500 paundë për tu larguar dhe disa prej tyre planifikojnë të kthehen. Cdo javë, një turmë e vogël njerëzish mblidhet pas rrethimit me tela me gjemba pas aeroportit të Tiranës. Një pistë e vogël e tij, është vendi ku ulen avionët me të deportuarit nga britania e madhe ndërkohë që familjarët presin më tej. Duhen disa orë që të deportuarit të shfaqen, ndërsa kalojnë ngadalë nëpër pikat e kontrollit, e pas kësaj përqafohen me të afërmit, ndonjëherë edhe në lotë. Fluturimet e deportimit për në shqipëri janë rritur që kur vendi firmosi një marrëveshje bashkëpunimi me britaninë e madhe, dhjetorin e kaluar, për të ndaluar dhe penguar emigracionin e paligjshëm.