Largimi i Britanisë nga Bashkimi Evropian e ka ulur për gati 4.000 numrin e mjekëve evropianë që kanë punuar për Shërbimin Kombëtar të Shëndetësisë në këtë shtet, ky është përfundimi në të cilin ka dalë një studim i fundit. Hulumtimi, i kryer nga instituti Nuffield Trust, nxjerr në pah mungesat e anesteziologëve, pediatërve dhe specialistëve të zemrës e mushkërive. Sipas studimit, rreth 37.000 mjekë nga shtetet evropiane kanë punuar në Britani më 2021. Megjithatë, Brexiti ka ndikuar në ulje të rekrutimit të stafit mjekësor.