E gjithë Britania e Madhe pothuajse është përfshirë nga moti i keq. Në disa zona ka pasur reshje të dendura dëbore, ndërsa janë anuluar dhe fluturimet për disa orë. Aeroporti i Mançesterit dhe ai i John Lennon i Liverpoolit rihapën pistat e tyre mëngjesin e kësaj të hëne pas mbylljes, por pavarësisht kësaj kompanitë ajrore paralajmëruan pasagjerët që të përgatiten pasi vonesat do të vijnë. Moti i keq dhe bora po ndikojnë edhe në shërbimet e trenave që udhëtojnë drejt zonave veriore të vendit. Temperaturat ranë në -11 gradë Celsius gjatë natës në Loch Glascarnoch, në Skoci, ndërkohë pjesë të Mbretërisë së Bashkuar dhe Republikës së Irlandës po përjetojnë ndërprerje të energjisë pas borës së madhe. Në Republikën e Irlandës, rreth 28,000 objekte janë pa energji si pasojë e kushteve të pafavorshme të motit.