Britania po përballet me një moment si ai i 1937-ës dhe duhet të jetë e gatshme të luftojë dhe të fitojë në një luftë të re botërore kundër rusisë. Paralajmërimi është lëshuar nga shefi i ushtrisë britanike të martën. Gjenerali Patrik Sanders po ashtu tha se forcat e armatosura britanike duhet të jenë të gatshme për një konfrontim direkt me Putinin në mënyrë që të parandalojnë përhapjen e mëtejshme të konfliktit në evropë dhe të zbprapsin kështu kërcënimin që vjen nga Moska. Në fjalimin e parë të tij publik si shef i shtabit të përgjithshëm, gjenerali Sanders tha se ai nuk kishte parë asnjëherë deri më tani një kërcënim më të qartë ndaj paqes dhe demokracisë se sa agresioni brutal i presidentit rus Vladimir Putin. Në konferencën e përvitshme të ushtrisë ai tha: Në të gjitha vitet e mia me uniformë, nuk kam parë asnjëherë një kërcënim më të qartë ndaj parimeve të sovranitetit dhe demokracisë dhe lirisë për të jetuar pa frikën e dhunës se sa në agresionin brutal të presidentit putin dhe ambicjet e tij ekspansioniste.