Mbretëria e Bashkuar do t'i japë Francës pothuajse 500 milionë funte gjatë tre viteve për të ndihmuar në ndalimin e emigrantëve që kalojnë Kanalin e La Manshit me varka. Lajmi u dha në një takim mes kryeministrit të Mbretërisë së Bashkuar Rishi Sunak dhe Presidentit Emmanuel Macron, i cili tha se Franca edhe gjithashtu do të kontribuonte përkëtë plan. Paratë do të shkojnë për 500 oficerë shtesë dhe një qendër të re paraburgimi në Francë, por kjo nuk do të jetë plotësisht funksionale deri në fund të vitit 2026. Mbretëria e Bashkuar kishte planifikuar t'i paguante Francës rreth 63 milion funte këtë vit për të trajtuar problemin. Kjo paketë e re duket se të paktën dyfishon atë shumë, me Mbretërinë e Bashkuar që premton 120 milion £ në periudhën 2023-2024. Franca gjithashtu do të rrisë financimin e saj për zbatimin e planit, por nuk ka deklaruar ende shifra, ndërsa Macron vlerësoi përpjekjen e përbashkët të të dy vendeve, për t’i dhënë fund kalimit illegal me varka. Nga ana tjetër, kryeministri britanik, Sunak tha se marrëveshja e re e dy liderëve do të mundësojë 500 oficerë shtesë francezë, si dhe përdorimin e dronëve dhe teknologjisë, për ndalimin e kalimit të Kanalit. Paratë do të shkojnë gjithashtu për një qendër të re paraburgimi në Francë, duke i shtuar 26 qendrave tashmë ekzistuese, teksa vlen të theksohet se ndalimi I këtij kalimi, është bërë premtimi kryesor i qeverisë së Sunak. Pamjet: AFP