Ish kryeministri britanik, Boris Johnson, urdhëroi shefat e ushtrisë të planifikonin një operacion mbi një fabrikë holandeze, në mars 2021, për të marrë 5 milionë doza vaksine kundër covidit, për të cilat Bashkimi Evropian kërcënonte se do të bllokonte eksportin drejt Britanisë së madhe. Në një përmbledhje të kujtimeve të tij, të publikuara nga Daily Mail, Johnson ka shpjeguar se kishte marrë garanci nga zëvendësshefi i shtabit në atë kohë, gjenerali Doug Chalmers, për faktin se një operacion ushtarak për të kaluar kanalin anglez me barka të vogla, e për të hyrë në kanalet holandeze, do të kish qenë i realizueshëm. Sidoqoftë, vetë gjenerali e kishte paralajmëruar për pasojat e mundshme diplomatike duke nënvizuar se misioni nuk do të kishte kaluar pa rënë në sy dhe se nëse do të zbuloheshin duhej të shpjegonin se pse po pushtonin një vend aleat ëtë NATO-s. Johnson ka pranuar se kish rënë dakord me këshilltarët që e konsideronin idenë të cmendur, por se nuk e kishte pranuar publikisht një gjë të tillë. Vaksinat në fjalë ishin prodhuar nga universiteti i oksfordit dhe astrazeneka, me doza që u prodhuan si në mbretërinë e bashkuar ashtu edhe në vendet e ulëta. Në mars 2021, vaksinat ishin në përdorim të gjerë në britaninë e madhe, por dozat e prodhuara në fabrikën holandeze ishin ende në pritje të miratimit të bashkimit evropian. BE kishte një kontratë me astrazenekan për furnizimin, dhe kërkonte ti mbante vaksinat për përdorim të brendshëm, një vendim që johnson ia atribuon presioneve të bllokut të udhëhequr nga presidenti francez, Emmanuel Macron. Pas dy muajsh negociata të pafrytshme, kisha arritur në përfundimin se BE po na trajtonte me keqdashje, për faktin se ne po e vaksinonim popullatën më shpejt se blloku – thotë Johnson, që u zgjodh kryeministër në dhjetor 2019 dhe u detyrua të dorëhiqej në 2022 për shkak të një serie skandalesh, mes të cilëve edhe shkelja e kufizimeve anti-covid gjatë izolimit.