Kryeministri britanik Boris Johnson ka njoftuar një plan të ri për dërgimin e azilkërkuesve në Ruanda deri sa kërkesat e tyre të shqyrtohen. Johnson do ti bëjë publike detajet e planit në Kent, në anglinë juglindore, ku me mijëra emigrantë zbarkojnë në barka të vogla që nga viti i shkuar, ndërsa po përpiqet të luftojë emigracionin e paligjshëm që është shqetësues për shumëkënd në partinë e tij. Sekretarja e brendshme britanike, Priti Patel, ka udhëtuar drejt Ruandës, ku ajo do të japë detajet e planit për ngritjen e një qendre pritëse që e përditshmja Times raporton se do të kushtojë fillimisht 157.61 milionë dollarë. Vitin e kaluar më shumë se 28 mijë emigrantë dhe refugjatë kaluan nga evropa në britani. Ardhja e barkave të mbushura me emigrantë ka qenë burim tensioni mes francës dhe britanisë, vecanërisht pasi 27 klandestinë u mbytën në ujërat e kanalit anglez në nëntor. Plani i britanisë është që përmes dërgimit në një vend të tretë, deri sa dokumentacioni i tyre të shqyrtohet, emigrantët do të dekurajohen të udhëtojnë drejt Britanisë. Qeveria ka kohë që përpiqet të dlë me një zgjidhje dhe ndër destinacionet e treta të përmendura më herët ka qenë madje edhe shqipëria. Mediat britanike kishin shkruar se zyrtarët britanikë janë në bisedime me qeverinë shqiptare, për hapjen e një qendre pritëse në vend, por Tirana zyrtare ka mohuar gjithcka.