Policia e Shkodrës ka arritur të zbardhë shpejt ngjarjen e rëndë në Dukagjin, ku mbeti i vrarë 73-vjeçari Zef Guri dhe u plagos djali i tij Gjin Guri. Kështu pas mbledhjes së provave dhe dëshmnive nga të pranishmit në momentin e krimit, policia ka identifikuar autorët, të cilët janë Martin Qershija, Edmond Nika, Kujtim Dholla dhe Çesk Serraj, të cilët janë shpallur në kërkim. Babë e bir u qëlluan me armë zjarrin në një local në zonën e Malit të Shoshit, për motive ende të paqarta, ndërsa të rinjtë që kryen krimin, u larguan me shpejtësi, duke i shpëtuar policisë. Ata janë shpallur në kërkim, teksa janë njpoftuar edhe drejtoritë e policive neë të gjithë vendin, përfshi edhe pikat kufitare, për lopkalizimin dhe arrestimin e tyre. Për katërt të rinjtë rëndojnë 2 vepra penale "Vrasje me paramendim" e kryer në bashkepunim dhe "Prodhim dhe mbajtje pa leje të armëve të zjarrit dhe municionit”. Objektiv i këtij atentati mendohet të ketë qenë Gjin Guri, një emër i njohur për drejtësinë, i cili mbeti i plagosur rëndë nga sulmi i së mërkurës në mbrëmje dhe u dërgua me urgjencë në spitalin e traumës