Vala e re e motit të keq në Itali, vecanërisht në zonën e Ferrarës, me shi të rrëmbyeshëm, breshër dhe erëra të forta, që prekën veçanërisht fshatrat dhe pjesën jugore të qytetit, shkaktuan kaos në trafik në autostradën A13. Makina të shumta me xhama të thyer mbetën të bllokuara në autostradë. Videot që qarkullojnë në mediat sociale tregojnë xhama dhe dritare të dëmtuara. "Përveç breshërit shumë intensiv, me kokrra me diametër deri në tre cenimetra, që shkatërroi dritaret e makinave, dritaret dhe çatitë, erërat e forta rrëzuan edhe shuëmë pemë dhe shkulën çatitë e shtëpive dhe hambareve", raportoi kryebashkiaku, duke theksuar se kishte "dëme të mëdha edhe në të gjithë sektorin bujqësor". Moti në evropë duket se është cmendur me zjarre që kanë përfshirë francën, spanjën e greqinë ndërkohë që në vende të tjera janë regjistruar stuhi e breshër. Ndërsa franca po digjet e Britania po thahet, duke aplikuar kufizime për përdorimin e ujit të pijshëm, ballkani e ka parë veten nën kushte të pabesueshme. Breshëri ka plagosur disa persona më brigjet kroate të adriatikut ndërsa stuhitë u përhapën në slloveni, bosnje hercegovinë, serbinë jugore e deri në maqedoninë e veriut. Evropa është kontinenti që po ngrohet më shpejt në botë dhe shumë shkencëtarë thonë se ndryshimet e klimës të shkaktuara nga njeriu po rrisin intensitetin e valëve të të nxehtit, thatësirave dhe zjarreve ndërsa po krijojnë kushte për stuhi të papritura dhe shkatërrimtare.