Ish-zëvendëskryeministri Erion Braçe vijon me daljet e tij në mbrojtje të interesit të prodhimit vendas përballë atij të huaj. Këtë të shtunë, Braçe nëpërmjet një videomesazhi në facebook shprehet se çmimi me të cilin gruri i blerë në Ukrainë së bashku me taksat është prej 57.5 lekë, ndërsa grurin nga fermerët shqiptarë duan ta blejnë me çmim shumë herë më të lirë, në kurriz të fermerëve.. Më tej ai paralajmëron se si në rastin e qumështit serb, ashtu edhe gruri ukrainas nuk do të mbajë gjatë. Braçe vijon të bëjë opozitë me qeverinë, pasi sipas tij fermeri shqiptarë po nëpërkëmbet.