Hetim të plotë dhe gjithëpërfshirës dhe përgjegjësi të plotë ndaj gjithëkujt, institucion apo privat qoftë”. Deputeti socialist, Erion Braçe kërkon hetim të plotë ndaj institucioneve dhe subjektit privat të përfshirë në ndërtimin e pallatit 12 katësh në afërsi të QSUT-së, i cili u përpi nga flakët masive të zjarrit. “Kam parë dhe dëgjuar aq shumë në atë objekt sa që dua ta përforcoj kërkesën time për një hetim gjithëpërfshirës, të ndërtimit, të materialeve të ndërtimit, të legalizimit, dhe të gjithëçkaje tjetër që lidhet me eficencën e energjisë dhe eficencën e sistemeve të mbrojtjes nga zjarri.”