Banka Qendrore Europiane ka fshehur pagën reale të guvernatores së saj, Christine Lagarde. Financial Times shkruan se paga reale e Lagarde është të paktën 50 për qind më e lartë nga sa ka bërë publike institucioni kryesor financiar i Bashkimit Europian. Sipas analizës së Financial Times, Christine Lagarde ka përfituar 726 mijë euro përgjatë vitit 2024, ose gati katër herë më shumë se sa paga e guvernatorit të Federal Reserve amerikane, Jay Poëell. Shifrat tregojnë se paga mujore e Lagarde është 60 mijë e 500 euro, teksa të dhënat zyrtare të Bankës Qendrore Europiane e raportojnë pagën e saj te 30 mijë euro në muaj. Paga e Lagarde në krye të Bankës Qendrore Europiane tejkalon edhe rrogën që ai përfitonte si drejtuese e Fondit Monetar Ndërkombëtar, post të cilin e ka mbajtur nga korrikut 2011 deri në shtator të vitit 2019. Përveç rrogës, ajo përfiton edhe bonuse dhe shpërblime vjetore, që Financial Times thotë se mund të çojnë përfitimet e saj vjetore deri në 1 milionë euro. Lagarde u rendit në vitin 2023 nga revista Forbes si gruaja e dytë më e pushtetshme në botë, pas Presidentes së Komisionit Europian, Ursula von der Leyen.