Ambasadori i Gjermanisë në Prishtinë, Jorn Rohde, kritikoi të hënën Listën Serbe, për heshtjen e saj rreth sulmit të armatosur vdekjeprurës ndaj Policisë së Kosovës në veri të vendit një ditë më parë. Një pjesëtar i Policisë së Kosovës u vra dhe disa të tjerë u plagosën në përleshjet me një grup të armatosur në pjesën veriore të vendit, të banuar me shumicë serbe, një ditë më parë. Lista Serbe, partia më e madhe e serbëve në Kosovë dhe e mbështetur nga Beogradi, ka heshtur deri tani në lidhje me ngjarjet e fundit në veri. “Kur e tërë bota, përfshirë Kisha Ortodokse Serbe, u trondit nga dhe i dënoi ngjarjet e djeshme: Pyes veten nëse Lista Srpska do t’i japë fund heshtjes dhe do të na bashkohet në qëndrimin tonë të qartë kundër këtij sulmi vrastar ndaj Policisë së Kosoëvs”, shkroi Rohde në rrjetin social X.