Presidenti i Shteteve të Bashkuara, Donald Trump, tha të mërkurën vonë se Izraeli dhe Hamasi arritën një marrëveshje për armëpushim në Gaza dhe për lirimin e pengjeve, sipas planit të tij për t’i dhënë fund luftës dyvjeçare në enklavën palestineze. “Jam shumë krenar të njoftoj se Izraeli dhe Hamasi e kanë nënshkruar fazën e parë të Planit tonë të Paqes”, tha Trump në Truth Social. “Kjo do të thotë se të gjitha pengjet do të lirohen shumë shpejt, dhe Izraeli do t’i tërheqë trupat e tij në një vijë të dakorduar si hapi i parë drejt një Paqeje të Fortë, të Qëndrueshme dhe të Përjetshme”, shkroi Trump. “Të gjitha palët do të trajtohen me drejtësi! Kjo është një ditë e madhe për botën arabe dhe myslimane, Izraelin, të gjitha kombet fqinje dhe Shtetet e Bashkuara të Amerikës!” Edhe kryeministri izraelit, Benjamin Netanyahu foli për një ditë të madhe për izraelin. Ai tha se pengjet do të kthehen shpejt në shtëpi dhe falenderoi trupat e ushtrisë izraelite dhe forcat e sigurisë. Një falenderim të vecantë netanyahu pati edhe për presidentin Trump dhe ekipin e tij. Reagim pozitiv pati edhe vetë Hamasi që vlerësoi përpjekjet e ndërmjetësve në katar, egjipt e turi dhe cmoi përpjekjet e presidentit amerikan donald trump. Por në një deklaratë, grupi islamik, tha: “Ne bëjmë thirrje që shtetet garantuese të marrëveshjeve të detyrojnë qeverinë okupatore të zbatojë plotësisht detyrimet e saj, pa vonesa”. E ndërsa Gaza dhe tel avivi shpërthyen në festë, të shumta dhe të menjëhershme ishin edhe reagimet ndërkombëtare. Australia mirëpriti njoftimin dhe tha se ky është një hap shumë i nevojhshëm drejt paqes. Kryeministri britanik, Keir Starmer tha se ky është një moment lehtësimi që do të ndihet në gjithë botën, vecanërisht për pengjet e familjet e tyre dhe popullsinë civile të Gazës. Starmer bëri thirrje që marrëveshja të zbatohet plotësisht, pa vonesa dhe të shoqërohet me heqjen e menjëhershme të të gjitha kufizimeve për ndihmën humanitare që shpëton jetë në Gaza. Edhe kanadaja ka reaguar duke përshëndetur marrëveshjen dhe bëri thirrje për fillimin e dërgimit të ndihmave humanitare në territorin e rrafshuar nga dy vite luftë. Presidenti turk, Recep Tayyip Erdogan, tha në anën tjetër se ishte “shumë i kënaqur” që negociatat cuan në një marrëveshje armëpushimi, por shtoi se “Turqia do të vazhdojë luftën e saj derisa të krijohet një shtet palestinez”. Ndërsa sekretari i përgjithshëm i OKB-së, Antonio Guterres theksoi se lufta duhet të ndalet një herë e përgjithmonë e po ashtu edhe vuajtjet në Gaza duhet të ndalen.