Italia, norvegjia dhe Holanda janë bërë vendet më të fundit që kanë marrë masa kundër gjigandit kinez të medias sociale, TikTok, në lidhje me frikën për sigurinë. Në romë, autoriteti antitrust i vendit tha se kishte hapur një hetim mbi aplikacionin me dyshimin se ai thyen rregullat duke lejuar publikimin e përmbajtjeve të rrezikshme që nxisin vetëvrasjen, vetëdëmtimin dhe keq ushqimin. Ndërkohë, qeveria holandeze po tenton të ndalojë punonjësit e qeverisë qendrore të mbajnë aplikacionin në aparatet e tyre celulare, duke ndjekur kështu shembullin e vendeve të tjera, si SHBA e Britania por edhe të ekzekutivit të bashkimit evropian. Ministrja norvegjeze e drejtësisë, në anën tjetër, rekomandoi të martën që punonjësit e qeverisë të mos e përdorin aplikacionin në aparatet e tyre të punës...Lëvizja më e fundit vjen ndërsa kompania kineze ByteDance, pronare e aplikacionit, po përballet me rregulla më të ashpra në të gjithë botën, për shkak të potencialit që qeveria autoritare në pekin të mund të sigurojë përmes tij akses në vendndodhjen e përdoruesve dhe të dhënat e kontakteve. Shqetësimet vijnë nga një ligj që u miratua në kinë në 2017-ën dhe që kërkon që kompanitë ti japin qeverisë cdo të dhënë personale të rëndësishme për sigurinë kombëtare të vendit. Nuk ka prova që TikTok mund të ketë ofruar ndonjëherë të tilla të dhëna, por ekziston frika për shkak të sasisë së madhe të të dhënave të përdoruesve që aplikacioni kërkon. TikTok ka më shumë se një miliardë përdorues aktrivë dhe akuzohet rregullisht se përhap dezinformata, duke vendosur në rrezik përdoruesit. Disa fëmijë është raportuar të kenë humbur jetën në përpjekje për të imituar sfidat e ndryshme....