Sinéad O’Connor, këngëtarja irlandeze që u bë një superstar dhe ishte e njohur sa për muzikën e saj të guximshme dhe shprehëse, ashtu edhe për betejat e saj private dhe veprimet provokuese, është ndarë nga jeta në moshën 56-vjeçare. “Me pikëllim të thellë njoftojmë ndarjen nga jeta të Sinéad-it tonë të dashur. Familja dhe miqtë e saj janë të pikëlluar dhe kërkojnë privatësi në këtë kohë shumë të vështirë”, u shpreh familja e këngëtares në një deklaratë të publikuar të mërkurën. Nuk u dhanë ndërkohë arsyet e vdekjes së saj. Ajo kishte folur hapur për probleme të shëndetit mendor, duke thënë se ishte diagnostikuar me çrregullim bipolar. O'Connor kishte postuar një video në Facebook në vitin 2017 nga një motel i Nju Xhersit ku po rrinte në atë kohë, duke thënë se po jetonte për hir të të tjerëve dhe se nëse do të ishte në dorën e saj, ajo do të "largohej".Kur djali i saj adoleshent Shane vrau veten vitin e kaluar, O'Connor shkroi në Tëitter se "nuk kishte kuptim të jetonte pa të". Ajo u shtrua në spital shumë shpejt pas postimit.