Rusia, që është eksportuesi më i madh i grurit në botë ka hyrë në sezonin e korrjes së tij, por sulmet ukrainase ndaj rafinerive të naftës kanë shkaktuar mungesë karburanti për fermerët dhe vështirësi në korrjen në kohë të të mbjellave. Përveç kësaj, përshkallëzimi i bombardimeve dypalëshe në Detin e Zi dhe mosrinovimi i marrëveshjes së ndërmjetësuar nga Turqia për kalimin e grurit kanë krijuar kushtet për atë që ekspertët e tregjeve ndërkombëtare e konsiderojnë si ‘stuhia perfekte’. Importuesit kryesorë në Azi, që është edhe tregu më i madh i dridhërave raportojnë se janë mbi 500 mijë tonë grurë që duhej të kishin marrë në dorëzim deri më 15 gusht, por që dërgesat janë vonuar për shkak të tensioneve në Detin e Zi. Situata përkeqësohet edhe më tej për shkak të luftës në Lindjen e Mesme, që ka shkaktuar efektin zinxhir të rritjes së çmimit të naftës në tregjet globale dhe vështirësi te prodhuesit e tjerë të mëdhenj të drithërave.