Këshilli i Ministrave i Bosnjës dhe Hercegovinës ka ngrirë pasurinë e 11 shtetasve të Bosnjës të lidhur me organizatat terroriste, Shteti Islamik (IS) dhe Al-Nusra. Pas kërkesës së autoriteteve boshnjake, INTERPOL, ka lëshuar njoftim të kuq për shumicën e personave të sanksionuar. Në listën e të sanksionuarve është edhe Nusret Imamoviq, udhëheqës radikal selefist, i cili para disa vitesh ishte futur në listën e dhjetë terroristëve më të kërkuar në botë. Këshilli i Ministrave ka bërë të ditur se vendimet janw dhwnw pwr mbrojtjen e sigurisë së Bosnjës dhe Hercegovinës. Sipas të dhënave të agjencive të inteligjencës dhe sigurisë, nga Bosnja dhe Hercegovina gjatë konfliktit në Siri dhe Irak, në periudhën 2012-2016, kishin shkuar rreth 300 shtetas të Bosnjës, përfshirë burra, gra dhe të mitur. IS-i u mposhtë më 2017 nga një koalicion ndërkombëtar i udhëhequr nga Shtetet e Bashkuara. Ndërkaq, Fronti Al-Nusra në ndërkohë ndryshoi emër dhe tani njihet si Hayat Tahrir al-Sham.