“Boshti i ri i së keqes”, kështu e kanë cilësaur disa zyrtarë amerikanë partneritetin gjithnjë e në rritje mes Kinës, Rusisë, Iranit dhe Koresë së Veriut, një bllok vendesh që po shqetësjnë rendin botëror. Këto shqetësime u nxitën edhe më shumë të mërkurën me konfirmimin nga sekretari amerikan i Mbrojtjes Lloyd Austin gjatë një udhëtimi në Romë, se forcat ushtarake të Koresë së Veriut janë tashmë të pranishme në Rusi, me sa duket duke u përgatitur për të marrë pjesë në luftën në Ukrainë, shkruan Zeri i Amerikës. Pas lajmit se forca të shumta ushtarake nga Koreja i Veriut i janë bashkuar Rusisë në frontin e Luftës, moska disa ditë më parë zhvilloi një stërvitje ushtarake detare dhe me Teheranin që së bashku me Pekinin dhe Phenianin e kanë mbështetur me armatime duke nisur nga raketat e dronët gjatë luftës së saj kundër Ukrainës. Koreja e Veriut ka dërguar predha artilerie. Dhe Kina ka ofruar teknologji me përdorim të dyfishtë dhe produkte industriale, përfshirë gjysmëpërçuesit dhe motorët e dronëve.