Të dhënat e Bankës së Shqipërisë mbi bilancet financiare të bizneseve shqiptare tregojnë brishtësinë e sipërmarrjeve tona, si në krahasim me partnerët rajonalë, apo europianë, ashtu edhe me sistemin bankar vendas. Banka e Shqipërisë thotë në raportin e përformancës financiare për vitin 2025, se bizneset shqiptare kanë një bilanc të konsideruehsëm negative ndaj të huajve. Detyrimet që sipërmarrjet shqiptare, sipas raportit, kanë ndaj sektorit jorezident, ku përfshihen institucione financiare, biznese dhe individë të huaj janë 12 herë më të mëdha se pretendimet financiare që bizneset shqiptare kanë ndaj të huajve. Raporti vëren se pretendimet ndaj jorezidentëve zënë vetëm 6 për qind të mjeteve të përgjithshme financiare, ndërkohë që detyrimet ndaj jorezidentëve përfaqësojnë 33 për qind detyrimeve financiare të bizneseve.