Shefi i diplomacisë së Bashkimit Evropian, Josep Borrell u takua me kryeministrin palestinez, Mohammed Mustafa ku diskutoi për situatën në Gaza. Para nisjes së takimit ai tha se vetëm një autoritet i fortë palestinez do të sillte paqen në Lindjen e Mesme. “Është edhe në interesin e Izraelit që Autoriteti Palestinez të jetë funksional sepse në mënyrë që të arrihet paqja, ne na duhet një Autoritet i fortë Palestinez, e jo i dobët”, tha Borrell I cili sqaroi se gjatë këtij takimi do të flitet dhe për të ardhmen e Gazës. Ndërkohë kryeministri palestinez nënvizoi se prioriteti i tij i parë është të mbështesë palestinezët në Gazë, veçmas përmes një armëpushimi dhe më pas “rindërtimi i institucioneve të Autoritetit Palestinez” në Gazë. Ai u bëri thirrje partnerëve ndërkombëtarë gjitahshtu që të ushtrojnë presion mbi Izraelin në mënyrë që të tërhiqet nga ofensiva ushtarake. Hamasi mori kontrollin e Gazës nga Autoriteti Palestinez më 2007.