Ulet sërish çmimi i naftës dhe benzinës në pikat e karburanteve në vend. Bordi i Transparencës caktoi nivelin e ri të çmimeve, duke marrë për referencë luhatjet në bursën Platss. Më këtë vendim, nafta është ulur me pesë lekë për litër, benzina me dy lekë, ndërkohë që çmimi i gazit është rritur me dy lekë. Sipas njoftimit të bordit të transparencës, duke filluar nga kjo e premte, nafta do të tregtohet me 192 lekë për litër, duke ndjekur një trend rënës krahasuar me çmimin 197 lekë për litër që u vendos në vendimin paraprak të bordit.