Bordi i transparencës ka ndërhyrë për herë të dytë pas ringritjes te çmimi i karburanteve duke rishikuar me rritje çmimet tavan si për naftën, ashtu edhe për benzinën. Sipas çmimeve të reja, nafta do të shitet me 213 lekë për litër në tregun e pakicës, ose 6 lekë më pak nga çmimi i fundit tavan. Në tregun e shumicës, nafta do të shitet me 201 lekë. Benzina u ul me 2 lekë në tregun e pakicës, duke shkuar nga 195 lekë për litër në 193 lekë për litër. Ndërkohë, me shumicë benzina do të tregtohet 181 lekë. Bordi thotë se çmimet e vendosura këtë të martë do të jenë në fuqi deri në një vendim të ri dhe se niveli tavan i tyre përcaktohet në bazë të luhatjes në bursat ndërkombëtare. Qeveria vendosi ringritjen e bordit në mbledhjen e 16 shtatorit pas rritjes së fortë të çmimeve të karburanteve, ku një litër naftë arriti deri në 230 lekë në pikat e shitjes me pakicë.