Bordi i transparencës ka ndërhyrë sërish te çmimi i karburanteve duke rishikuar me rritje çmimet tavan si për naftën, ashtu edhe për benzinën. Sipas çmimeve të reja, nga 207 lekë për litër, nafta do të shitet jo më shumë se 210 lekë për litër në tregun e pakicës, ose 3 lekë më shumë nga çmimi i fundit tavan. Në tregun e shumicës, nafta do të shitet po me tre lekë rritje nga 195 lekë në 198 lekë. Benzina u rrit me dy lekë në tregun e pakicës, duke shkuar nga 174 lekë për litër në 176 lekë për litër. Ndërkohë, me shumicë benzina do të tregtohet 164 lekë. Bordi thotë se çmimet e vendosura këtë të mërkurë do të jenë në fuqi deri në një vendim të ri dhe se niveli tavan i tyre përcaktohet në bazë të luhatjes në bursat ndërkombëtare dhe zhvillimeve Ndërkohë, me tavanin e ri nuk aplikohet zbritja e akcizës, që sipas aktit normative të qeverisë ulet me 20 për qind vetëm në rastet kur çmimi tavan i naftës i caktuar nga bordi arrin mbi 220 lekë për litër në tregun e pakicës.