Tregtimi i naftës në Shqipëri nën 200 lekë u rikthye. Bordi ka rishikuar çmimet tavan të vendosura më 13 maj, duke ulur çmimet si për naftën, ashtu edhe për benzinën. Sipas çmimeve të reja të caktuara nga bordi, një litër naftë do të shitet jo më shumë se 198 lekë për litër në tregun e pakicës dhe 186 lekë për litër në tregun e shumicës. Tavani i ri u ul me 2 lekë për liter edhe për benzinën, si në tregun e shumicës, ashtu edhe në atë të pakicës. produkti si me pakicë, ashtu edhe me shumicë. Çmimi i ri i tregtimit të benzinës është caktuar 185 lekë me pakicë dhe 173 lekë me shumicë. Bordi thotë se çmimet e vendosura reflektojnë luhatjen e karburanteve në bursat ndërkombëtare, ku si pikë referimi merret bursa e Budapestit. Çmimet e reja tavan të tregtimit të tyre do të jenë në fuqi deri në një vendimmarrje tjetër.