Mbi 42 mijë bebe përfituan bonusin e lindjes vitin e kaluar, kur rreth 46 për qind e tyre ishin jashtë Shqipërisë. Sipas të dhënave të raportit të Monitorimit të Ministrisë së Shëndetësisë dhe Mbrojtjes Sociale të publikuara ng Monitor për vitin e kaluar fondi i shpërndarë për bonusin ishte rreth 33 milionë euro. Për shkak të numrit të lartë të përfituesve të sapolindur jashtë vendit, vitin e kaluar qeveria ndryshoi politikat për shpërndarjen e bonusit të bebeve, ku vuri kusht qëndrimin 180 ditë në Shqipëri në vitin paraardhës për prindërit e foshnjave të sapolindura. Vendimi u ndryshua duke synuar që përfituesit të jenë shtetasit që jetojnë brenda vendit pasi edhe emigrantët shqiptarë që jetojnë jashtë kanë përfituar në shifra gati të barabarta me ata që jetojnë brenda vendit. Duke nisur nga viti 2019, kur filloi aplikimi i bonusit deri në vitin 2023 janë shpërndarë rreth148 milionë euro për programin e bonusit të bebes. Ky i fundit mbështet familjet me një vlerë monetare pre 40 mijë lekësh për fëmijën e parë, 80 mijë lekë për fëmijën e dytë dhe 120 mijë lekë për fëmijën e tretë.