Kryeministri i Japonisë Fumio Kishida është evakuuar i padëmtuar pasi u sulmua me një bombë tymuese. Një burrë u ndalua në vendin e ngjarjes në Uakajama, ku Kishida do të mbante një fjalim, raportuan mediat japoneze. Një dëshmitar tha se ata panë një person duke hedhur diçka që më pas shpërtheu në tym, ndërsa një tjetër tha se kishte dëgjuar një zhurmë të madhe. Nuk raportohet për të lënduar. Videot që qarkullojnë tregojnë truprojat e kryeministrit të grumbulluar mbi një person, që besohet të jetë autori i ngjarjes. Ai u arrestua dhe më vonë u identifikua nga autoritetet si 24-vjeçari Ruji Kimura. Motivim pas këtij sulmi është ende i paqartë. Kishida sapo kishte filluar të mbante një fjalim pasi vizitoi portin e peshkimit në Uakayama për një një event në kuadër të fushatës zgjedhore. Sulmet e dhunshme janë jashtëzakonisht të rralla në Japoni. Por ka një nervozizëm në rritje për sigurinë rreth politikanëve, pasi ish-kryeministri Shinzo Abe u qëllua për vdekje teksa gjatë një takimi elektoral vitin e kaluar.