Shtëpia e bardhë ka konfirmuar se ukraina po përdor bombat thërrmuese amerikane kundër forcave ruse në vend. Zëdhënësi i sigurisë kombëtare, John Kirby tha se vlerësimet fillestare sugjerojnë se këto bomba po përdoren me efikasitet mbi pozicionet mbrojtëse të rusisë dhe në operacione të tjera. Bombat thërrmuese shpërndajnë shumë bomba më të vogla që mbartin brenda tyre dhe janë të ndaluara në më shumë se 100 shtete për shkak të kërcënimit që ato paraqesin për civilët. SHBA ka pranuar tia japë ato Ukrainës me qëllim që ta ndihmojë atë të avancojë në front. Ukraina ka premtuar që bombat do të përdoren vetëm për të goditur pozicionet armike në vend. “Ata po i përdorin ato sic duhet”, tha Kirby. “Po i përdorin ato me efikasitet dhe në realitet këto municione po lënë gjurmë në formacionet mbrojtëse të rusisë dhe manovrat e tyre”, tha ai. SHBA vendosi të dërgonte bombat thërrmuese në ukrainë pasi vendi paralajmëroi se po mbetej pa municione gjatë kundërofensivës verore të tij, që ka qenë e ngadaltë dhe më e kushtueshme nga sa ishte shpresuar. Presidenti Joe Biden e quajti vendimin shumë të vështirë ndërsa aleatët e tij, britania e madhe, kanadaja, zelanda e re dhe spanja, kundërshtuan përdorimin e tyre. Pjesa më e madhe e municioneve të dërguara janë predha artilerie me një përqindje të ulët të bombave të vogla që nuk shpërthejnë menjëherë dhe që mund të mbeten një rrezik për vite të tëra. Armët janë efikase kur përdoren kundër trupave në llogore dhe në pozicione të fortifikuara, pasi ato bëjnë zona të gjera, shumë të rrezikshme për të lëvizur, deri sa të pastrohen. Edhe rusia ka përdorur bomba të ngjashme në ukrainë, madje edhe në zona civile.