Shpërthimet e pajisjeve të komunikimit “pager” dhe radiove të dorës për disa ish-zyrtarë të zbulimit mund të jetë pjesë e një përpjekjeje izraelite për të realizuar objektivat pa patur nevojë të luftojë. "Ajo që Izraeli po përpiqet të bëjë është të arrijë të pengojë Hezbollahun që të mos kryejë sulme me 50-60 raketa në ditë, por pa rrezikuar një luftë më të gjerë", tha Daniel Hoffman, ish zyrtar i CIA-s për Zërin E Amerikës . Ai sqaroi se operacioni, që dyshohet së është kryer nga Izraeli, mund të ketë qenë gjithashtu një përpjekje për të dobësuar pozitën e Hezbollahut në Liban. Ish zyrtari i CIA-s, nuk përjashtojë mundësinë që e njëjta taktikë të përdoret dhe tek pajisjet e tjera që përdoren nga Hezbollah. Ndërkohë Ish-zyrtarë të tjerë të zbulimit kanë sugjeruar se operacioni për të hedhur në erë pajisjet e komunikimit gjithashtu i jep Izraelit një avantazh nëse tensionet me Hezbollahun përshkallëzohen. Sipas tyre, ky aksion të paktën ka dobësuar komunikimin e Hezbollah. Pajisjet ‘pager’ Hezbollah nisi ti përdorte pasi udhëheqsi i grupit pretendonte se Izraeli mund të paragjykonte komunikimet e tyre.