Një fluturim 18 orësh, dhe një sërë karremash, kështu u zhvillua misioni për të bombarduar objektet bërthamore të Iranit, sipas Dan Caine, Kryetarit të Shtabit të Përbashkët të Ushtrisë Amerikane. Ndërkohë që sytë e gjithë botës, ishin kthyer drejt Oqeanit Paqësor, pas raportimeve se bombarduesit ishin dërguar në territorin ishullor amerikan të Guamit, bombarduesit e fshehtë B-2, të cilët udhëtojnë pak më shpejt se shpejtësia e zërit, u ngritën nga Baza Ajrore Ëhiteman të dielën, një minutë pas mesnate. Kjo ishte vetëm njëra nga hilet, sipas rrëfimit të dhënë nga Pentagoni - një karrem për të shpërqendruar vëmendjen nga fluturimet tepër sekrete që shkonin drejtpërdrejt drejt Iranit mbi Atlantik. Sipas BBC, flota amerikane e përbërë nga shtatë bombardues B-2, secili me dy anëtarë të ekuipazhit, arriti në Lindjen e Mesme, diku rreth orës 17:00, ndërsa atyre iu bashkuan avionë mbështetës që ndihmuan në mbrojtjen e bombarduesve. Rreth orës 17:00, zyrtarët amerikanë thonë se më shumë se dy duzina raketa lundrimi Tomahaëk për sulm tokësor u lëshuan nga një nëndetëse amerikane e stacionuar në Detin Arabik drejt centralit bërthamor pranë Isfahanit.