Forcat ruse kanë hedhur raketa në një bazë ushtarake në perëndim të Ukrainës, vetëm 25 kilometra larg kufirit me Poloninë, një vend anëtar i NATO-s. Kryetari i qytetit tjetër perëndimor, Ivano-Frankvisk, ka thënë se aeroporti i qytetit është sulmuar po ashtu. Lviv, një zonë në perëndim të Ukrainës më parë mendohej se ishte e sigurt dhe është kthyer në strehë për refugjatët që duan t’i ikin luftës.. Deri më tani raportohet për nëntë të vrarë nga ky sulm, ndërsa 57 të tjerë janë plagosur. Një dëshmitar ka thënë për agjencinë e lajmeve, Reuters, se ka parë 19 ambulanca duke lëvizur drejt bazës ushtarake. “Ky është një tjetër sulm terrorist ndaj paqes dhe sigurisë afër kufirit të Bashkimit Evropian dhe NATO-s”, ka thënë kryetari i qytetit në Twitter.