Shtetet e Bashkuara do t’i dërgojnë Ukrainës bomba thërrmuese me rreze të mesme veprimi dhe një sërë llojesh të tjera raketash, atrilerie, si dhe autoblinda. Armatimet do të dërgohen në kuadër të paketës së ndihmës ushtarake me vlerë rreth 375 milionë dollarë, që Shtëpia e Bardhë ka aprovuar për Kivein. Njoftimi nga zyrtarët amerikanë u bë në një kohë kur në Neë York janë mbledhur të gjithë udhëheqësit botërorë mes të cilëve dhe presidenti Volodymyr Zelensky që janë bërë pjesë e Asamblesë së Përgjithshme të Kombeve të Bashkuara. Bombat thërrmuese mund të hidhen nga avionët luftarakë të Ukrainës drejt trupave ruse. Zyrtarët amerikanë thanë në kushte anonimati për mediat se paketa ende nuk është bërë publike. SHBA-ja i ka dhënë Ukrainës më shumë se 56.2 miliardë dollarë ndihmë të sigurisë që kur Rusia nisi pushtimin e shtetit fqinj në shkurt të vitit 2022. Por pavarësisht kësaj presidenti Volodymyr Zelensky vijon të këmbëngul që SHBA dhe BE t’I japin lejë që të përdorë raketat me reze të gjatë vperimi kundër Rusisë.