Sekretari amerikan i Shtetit Antony Blinken dhe ministri i jashtëm turk Hakan Fidan diskutuan të premten nevojën për përpjekje të vazhdueshme për të ndaluar çdo ringritje të mundshme të Shtetit Islamik në Siri pas rënies së Bashar-al Asadit. "Vendet tona punuan shumë dhe dhanë shumë gjatë shumë viteve për të siguruar eliminimin e kalifatit territorial të ISIS-it, për të siguruar që kërcënimi të mos ngrihet përsëri është e domosdoshme që ne të vazhdojmë me këto përpjekje," tha Blinken në krah të Fidan pasi takimit në Ankara. Bisedimet u fokusuan gjithashtu në një aspekt kritik të vendosjes së stabilitetit në Siri, përleshjet në veri të vendit mes forcave kurde të mbështetura nga SHBA dhe rebelëve të mbështetur nga Turqia. Fidan tha pas takimit se "prioriteti i Turqisë në Siri është të sigurojë stabilitet sa më shpejt të jetë e mundur, të parandalojë terrorizmin që të fitojë terren dhe të parandalojë Shtetin Islamik dhe PKK-në që të dominojnë atje".