SHBA i ka kërkuar aleatëve të saj në G7 që të përdorin presionin diplomatik për të shmangur luftën rajonale në Lindjen e Mesme. Sekretari amerikan i Shtetit, Antony Blinken, ka paralajmëruar se Irani dhe Hezbollahu mund të sulmojnë Izraelin brenda 24 deri në 48 orëve të ardhshme. Raporti është publikuar të hënën, ndërsa frika për një luftë rajonale në Lindjen e Mesme është e madhe. Irani dhe Hezbollahu janë zotuar të hakmerren për vrasjen e liderëve të lartë të Hamasit dhe Hezbollahut javën e kaluar. Duke cituar tre burime të paidentifikuara, Axios raporton se Blinken u tha homologëve të G7 në një tele-konferencë se Irani dhe Hezbollahu mund të nisin një sulm kundër Izraelit që të hënën. “Burimet thanë se Blinken theksoi se SHBA beson se Irani dhe Hezbollahu do të hakmerren”, shkroi Axios, duke shtuar se Uashingtoni “nuk e di kohën e saktë të sulmeve” ose se çfarë forme do të kishin ato.