Tensionet në Ballkanin Perëndimor dhe veçanërisht situatat e krijaura mes Serbisë dhe Kosovës në komunat veriore të kësaj të fundit, janë komentuar edhe nga Sekretari Amerikan i Shtetit, Anthony Blinken, në Bruksel, ku mori pjesë në takimin mes ministrave të jashtëm të vendeve anëtare të NATO-s. Duke nxjerrë në pah situatën konfliktuale në rajon, Blinekn theksoi se prioriteti i Aleancës ushtarake Euro-Atlantike është që të mos rikthehen më konflliktet në Ballkan. “Kur kam nisur këtë karrierë, në qendër të shqetësimeve tona ka qenë Ballkani. Në qendër të shqetësimit tonë dhe të shqetësimeve të shteteve në mbarë botën, veçmas në zonën transatlantike, ishte Ballkani, Bosnja dhe më pas Kosova. Një gjë që ne nuk duam të ndodhë në të ardhmen është kthimi i konflikteve në Ballkan”, u shpreh Blinken.