Në ishullin e erërave, Mykonos ka mbërritur mbesa 22-vjeçare e Joe Biden, Macy , e cila vitet e fundit ka zgjedhur Greqinë për pushimet e saj verore. Vajza e Hunter Biden dhe Kathleen Boule mbërriti nën masa drakoniane sigurie, nën vëzhgimin e shërbimit sekret dhe një roje speciale, në ishullin laik, e shoqëruar nga një grup miqsh të saj. Sipas raportit, në momentin e mbërritjes së saj, rruga kryesore e ishullit ishte e mbyllur, gjë që shkaktoi bllokim trafiku. Bëhet e ditur se rreth një muaj më parë, Macy është diplomuar në Universitetin e Pensilvanisë, me gjyshin e saj dhe presidentin e Shteteve të Bashkuara, të pranishëm në këtë event. Macy Biden zgjodhi Greqinë edhe në korrik 2021 për pushimet e saj verore, kur vizitoi Heraklionin në Kretë, në fund të korrikut, sërish nën masa drakoniane sigurie. Ashtu si gjyshi i saj, i cili shpeshherë deklarohet si mik i mirë i Greqisë, edhe Macy duket se e vlerëson vendin fqinj si një vend pushimi për muajt e verës.