Sezoni turistik ka dhënë shenjat e një trafiku të shtuar në rrugët ndërkufitare me Shqipërinë e sidomos në ato akse rrugore nga ku vijnë për turizëm shqiptarët e Kosovës. Për të garantuar sigurinë e qytetarëve gjatë qarkullimit me automjete në rrugë, drejtori i përgjithshëm i policisë së Shtetit, Ardi Veli së bashku me homologun e tij në Kosovë, Samedin Mehmeti nënshkruan memorandumin e bashkëpunimit "Për organizimin e shërbimeve të përbashkëta të policimit rrugor mes Policisë së Kosovës dhe Policisë së Shtetit". Gjatë takimit, Veliu dhe Mehmeti kanë vlerësuar marrëdhëniet e shkëlqyera mes dy policive, duke u dakordësuar që ky bashkëpunim i shkëlqyer, kryesisht në fushën e sigurisë rrugore, por edhe të shkëmbimit të informacionit të shtrihet në të gjitha fushat duke eliminuar çdo burokraci apo pengesë.