Prokuroria e Posaçme mbylli hetimet dhe dërgoi për gjykim pesë persona të akuzuar për blerje votash në zgjedhjet lokale të përsëritura të 23 korrikut të vitit 2023 në Rrogozhinë. Nën akuzë është ish kandidati i opozitës në këto zgjedhje, Shkëlqim Hoxha dhe shtetasi Limon Shala, Fatmir Thaçi, Florant Saraçi dhe Engjëll Cara. Katër prej tyre akuzohen se kanë ofruar bileta udhëtimi të parapaguara për persona të ndryshëm në 64 raste, për të votuar Hoxhën si kryebashkiak, ndërsa vetë ky i fundit ishte në dijeni të skemës.