Një 52 vjecare ukrainase, nënë e tre fëmijëve, është fotografuar me një armë në sup ndërsa mijëra civilë në vend po përgatiten përballë perspektivës për një pushtim të mundshëm rus. Mariana Zhaglo, është në fakt shumë larg ushtarit tipik ukrainas, por nëna 52 vjecare – punonjëse marketingu, tha se ajo do të bënte gjithcka që mundej për të mbrojtur vendin e saj. “Si nënë, unë nuk dua që fëmijët e mi të trashëgojnë problemet e Ukrainës, ose që këto kërcënime t’iu kalojnë edhe atyre. Është më mirë të përballemi me këtë, tani”, tha Mariana. Nëse do të jetë e nevojshme të luftoj, unë do të luftoj për Kievin, ne do të luftojmë për të mbrojtur qytetin tonë. Nëse do të duhet ta përdor këtë armë, atëherë do ta bëj këtë”, vazhdoi ajo, duke treguar armën Zbroyar Z-15 të sapoblerë, në apartamentin e saj në kryeqytetin ukrainas. Ajo vazhdoi të shpjegonte se Zbroyar Z-15 ishte një pushkë gjahu, por se ajo nuk ka ndër mend të dalë për gjueti. “Unë e bleva atë vetëm pasi dëgjova disa ushtarë që diskutonin se sa e mirë ishte si armnë”, thotë Mariana. Ajo është vetëm një nga mijëra ukrainasit që kohet e fundit i janë bashkuar forcave të mbrojtjes së territorit, një seksion vullnetar i ushtrisë që ka parë që të rriten shumë numrat në mesin e tensioneve në kufirin me rusinë.