Bjelloruasia, një nga vendet më proruse, së fundmi mësohet se kanë rrëzuar disa drone ukrainas, ndonëse janë shprehur se nuk do të përfshihen në luftë. Sulmin ndaj dronëve ukrainas, e ka pranuar vetë presidenti bjellorus, Aleksandër Lukashenko. Sipas tij, kjo masë është marrë pasi dronët në fjalë kishin shkeluar hapërsirën ajrore të shtetit të bjellorus. “Dronët ukrainas kanë shkelur hapësirën ajrore të Bjellorusisë dhe u rrëzuan nga mbrojtja ajrore e vendit”, kështu ka deklaruar presidenti i vendit, Aleksandër Lukashenko. Më tej Lukashenko tha se sulmi ajror u zhvillua pasditen e së premtes në kufirin lindor të Bjellorusisë . “Në orën 19:04 në lartësinë 1.5 km. dhe në një sipërfaqe prej 6.5 km. mbrojtja jonë ajrore shkatërroi disa objektiva mbi territorin e Bjellorusisë”, citohet të ketë thënë Lukashenko. Presidenti Bjellorus theksoi se lidhur me këtë ngjarje kanë nisur hetimet. Ndërkohë Ukraina prej disa ditësh vijon me sulmet ndaj qyteteve kufitare ruse, si përgjigje për pushtimin e paprovokuar rus.